ЯҢАЛЫКЛАР

Кичә, Чүти авылы мәчетендә Корбан ашы уздырылды. Чарада Чүти авылыннан 14 кунак, Кайбыч районы башлыгы ярдәмчесе Хәялиев Рәмис Рафис улы һәм Чүти авыл җирлеге башлыгы Тараканов Петр Петрович катнашты. Тараканов П. П.җитәкчелегендә Чүти авыл мәдәният йорты методистлары белән сыйланган өстәл, чәй һәм сарык итеннән токмачлы аш оештырылган иде. Барлык кунаклар да канәгать калдылар.

Иртәгә, 9нчы сентябрьдә Олы Тәрбит авылында 7нче номерлы Канаш бермандатлы сайлау округы буенча 3нче чакырылыш Татарстан Республикасы Кайбыч муниципаль районы Чүти авыл җирлеге Советына депутатларны өстәмә сайлау узачак.

Татарстан Республикасы дәүләт һәм муниципаль хезмәтләр Порталында https://uslugi.tatar.ru ОНЛАЙН-сервис гамәлгә ашырылды,аның ярдәмендә дәүләт пошлинасын түли һәм Татарстан Республикасы җәмәгать судьясына гариза бирә аласыз.

Бүген, Кайбыч муниципаль районы Башкарма комитетының актлар залында Кайбыч һәм Апас авыл җирлекләре сәркәтипләре өчен федераль адреслы мәгълүмати системада (ФИАС) эшләү буенча укыту семинары узды. Укуларны Федераль салым хезмәтенең Татарстан Республикасы буенча идарәсе һәм Федераль салым хезмәтенең 8нче районара инспекциясе белгечләре үткәрде.

Озак тәнәфестән соң, «Салават күпере» спорт – сәламәтләндерү комплексы бассейны яңадан кунаклар кабул итәргә әзер. Расписание сезнең өчен гадәти кала.Көн саен 8:00 - 21:00 кадәр (ялсыз). Шулай ук балалар өчен дә, өлкәннәр өчен дә төркем дәресләре яңартылуы турында искә төшерергә ашыгабыз: балалар йөзү секциясе 7 – 16 яшь. 5 яшьтән алып балаларны йөзәргә өйрәтү. Индивидуаль тренировкалар буенча йөзү. Сәламәтләндерү йөзүе. Язылырга яки бу турында тулырак мәглүмәт белерге теләсәгез -шалтыратыгыз: 2-16-46, 2-10-68

2004 елның 1 сентябрендә Беслан шәһәрендә (Төньяк Осетия) тыныч тормыш террорчылар тарафыннан бозылган. Әлеге куркыныч вакыйгадан соң 2005 елда Россиядә ел саен 3 сентябрьдә терроризмга каршы көрәштә бердәмлек көне билгеләп үтелә. «Бөтен планетада тынычлык булсын, Балалар һәм барлык кешеләр вафат булмасын! Терроризмга безнең җавап:«Юк!» Чүти авыл җирлеге башлыгы, Чүти авыл мәдәният йорты методистлары белән берлектә Бесланда һәлак булганнарны искә алуга багышланган чара уткерде.Чути авыл мәктебендә башлангыч сыйныфта Батырлык дәресе үтте. Балалар шигырьләр сөйләделәр, рәсемнәр ясадылар, бер минутлык тынлык белән искә алдылар. «Буратино» балалар бакчасы балалары белән «тынычлык булсын!» диген темага әңгәмә уткерелде. Балалар күккә кәгазь күгәрченнәр очырдылар. Чарада 36 кеше катнашты.

Чүти авыл җирлеге башкарма комитеты укучыларны һәм студентларны уку елы башлану белән котлый һәм укуыгызда уңышлар тели! Бүген Чүти авыл җирлеге башлыгы Тараканов П.П.мәктәптә булды.Чара беренче һәм унберенче сыйныф укучыларының уртак чыгышлары белән башланды. Район башлыгы Альберт Рәхмәтуллин һәм Чүти авыл башлыгы Петр Петрович укучыларны, укытучыларны бәйрәм белән котладылар һәм уңышлы укуларын теләделәр. Исегезгә төшерәбез, быел Чүти авыл мәктәбендә Яңа ремонт ясалды.

2 нче август көнне Кайбыч районы башлыгы урынбасары Хаялиев Рәмис Рафис улы Олы Тәрбит авылында тормыш итүче Агния Гурий кызын 80 яшьлек юбилеы белән котларга килде. Рәмис Рафис улы нык сәләмәтлек, озын-озак бәхетле тормыш теләп истәлекле бүләк һәм рәхмәт хаты тапшырды. 

Олы Тәрбит авылында тормыш итүче Тараканова Агния Гурий кызынын 80 яшьлек юбилеы! Һәр балагызның игелеген күреп Гел сөенеп кенә яшәгез. Сезге бәхет, шатлык теләгәндә Амин диеп торсын фәрештә. һәрбәр иртә сезне куандырып Шатлык белән яңа таң атсын. Күзләрегезне, сагыш яше түгел, Шатлык яше генә чылатсын. Куанычлар гына алып килсен 80 яшегез; олы бәйрәмегез. Сезге бүген бүләк итәбез без Барлык яхшылыклар бәйләмен.